Heddiw, cyhoeddir bod saith deg naw o grwpiau gwirfoddoli ar draws y DU yn enillwyr Gwobr y Frenhines ar gyfer Gwasanaeth Gwirfoddoli 2008, gan gydnabod y cyfraniadau rhagorol mae’r grwpiau gwirfoddoli wedi gwneud i gymunedau lleol drwy roi o’u hamser er budd eraill.

Mae’r Anrhydedd Genedlaethol glodfawr, sydd gyfwerth â MBE, yn gosod y meini prawf cenedlaethol am ragoriaeth ym maes gwirfoddoli, ac mae gweithgareddau’r rhai sy’n cael eu gwobrwyo wedi’u barnu i fod o’r safon uchaf.

Mae’r rheiny sy’n cael eu gwobrwyo yn 2008 yn cynnwys clwb cymunedol yn Preston sy’n gweithio er mwyn ailgyfeirio plant lleol i ffwrdd oddi wrth dorri’r gyfraith, i sefydliad gwirfoddol sy’n darparu gwyliau i bobl ag anghenion arbennig yng Nghaerwysg a thîm achub mynydd yn County Down sy’n cynorthwyo dringwyr colledig neu sydd wedi’u hanafu*.

Detholwyd yr enillwyr o 379 o grwpiau a enwebwyd gan aelodau’r cyhoedd sydd wedi derbyn cymorth yn bersonol neu sydd wedi gweld gwaith da’r grwpiau ar waith yn eu cymuned. Byddant yn derbyn tlws crisial arbennig i gofnodi’u llwyddiant mewn un o nifer o seremonïau lleol arbennig sy’n cael eu cynnal gan un o Arglwyddi Rhaglaw’r Frenhines.

Llongyfarchodd Phil Hope, Gweinidog y Trydydd Sector, enillwyr 2008 ar y llwyddiant gan ddweud:

“Mae’n fraint gennyf allu talu teyrnged i holl enillwyr Gwobr y Frenhines ar gyfer Gwasanaeth Gwirfoddoli eleni, sydd wedi gwneud, ac sy’n parhau i wneud gwahaniaeth cadarnhaol i fywydau nifer fawr o bobl ar draws ein cymdeithas.

“Mae grwpiau gwirfoddol yn gwneud cyfraniad aruthrol i’w cymunedau, yn aml heb dderbyn clod am y gwaith maen nhw’n ei wneud, ac mae’n bwysig i ni oll gydnabod y gwaith maen nhw’n ei wneud drwy helpu eraill ac efallai gael ein hysbrydoli gan eu gorchestion.”

Er sefydlu’r Wobr i gofnodi Jiwbilî Aur Ei Mawrhydi yn 2002, mae dros 600 o grwpiau gwirfoddol wedi ennill Gwobr y Frenhines ar gyfer Gwasanaeth Gwirfoddoli yn ystod y chwe blynedd ers ei chreu.

Am fanylion holl enillwyr Gwobr y Frenhines ar gyfer Gwasanaeth Gwirfoddoli eleni a gwybodaeth ynghylch sut i enwebu grŵp sydd wir yn gwneud gwahaniaeth, ewch at www.queensawardvoluntary.gov.uk, lle y gallwch lawrlwytho ffurflen enwebu.

– Diwedd –

Am fwy o bwybodaeth

Mark Atkins, Consolidated 020 7781 2391 neu marka@consol.co.uk
Helen Little, Consolidated 020 7781 2331 neu helenl@consol.co.uk

Nodiadau i olygyddion

• * Mae Callon Kid’s Community Club yn datblygu ystod o weithgareddau sy’n anelu at gynnig dyheadau i blant ystâd Callon yn Preston trwy gynhwysiad cymdeithasol, ac i’w harwain i ffwrdd oddi wrth weithgareddau troseddol.
• Grŵp wedi’i leoli yng Nghaerwysg yw Dream-A-Way sy’n anfon pobl leol o bob oedran ar draws y de orllewin ag anawsterau corfforol ac addysgol ar wyliau a gwibdeithiau, gan alluogi iddynt gyflawni breuddwyd bywyd neu dim ond i wneud rhywbeth gwahanol i’r arfer.
• Mae Tîm Achub Mynydd Mourne, sydd wedi’i leoli yn nhref arfordirol Newcastle yng Ngogledd Iwerddon, yn cynnwys grŵp o fynyddwyr profiadol sy’n gwirfoddoli ar bob adeg ac ym mhob tywydd i helpu unrhyw un sydd i drafferth ar y mynyddoedd lleol.

Ynghylch Gwobr y Frenhines ar gyfer Gwaith Gwirfoddol

Sefydlwyd Gwobr Jiwbilî Aur y Frenhines ar gyfer Gwaith Gwirfoddol gan Grwpiau yn y Gymuned i ddathlu Jiwbilî Aur Ei Mawrhydi yn 2002. Pwrpas y wobr yw cydnabod grwpiau o unigolion sy’n rhoi o’u hamser er lles eraill. Dyma’r anrhydedd uchaf a ellir ei gyflwyno i grwpiau o’r math hwn ac mae ganddo statws tebyg i’r MBE. Nid yw Gwobr y Frenhines yn cydnabod grwpiau gwirfoddol yn unig, mae hi hefyd yn arddangos y parch uchel sydd tuag at wirfoddoli.

Rhaid enwebu grwpiau ar gyfer y Wobr – ni ellir hunan-enwebu. Gallwch enwebu grŵp (dau berson neu fwy) sydd wedi’i leoli yn y DU, Ynysoedd y Sianel neu Ynys Manaw. Rhaid bod y grŵp wedi bod yn gwirfoddoli er lles pobl yn y DU neu dramor am o leiaf tair blynedd a rhaid bod dros hanner o aelodau’r grŵp yn wirfoddolwyr sydd â’r hawl i breswylio yn y DU. Nid yw grwpiau sy’n ymwneud yn unig â gweithgareddau codi arian at achosion da yn gymwys am y Wobr. Mae mwy o fanylion ar feini prawf mynediad a’r broses enwebu ar gael o www.queensawardvoluntary.gov.uk.

Dyma enillwyr Gwobr y Frenhines ar gyfer Gwasanaeth Gwirfoddoli 2008:

• Guernsey Jumbulance Holidays
• Isle of Man Breakthrough Breast Cancer Group
• Jersey Hospice Care Volunteers
• Jersey Citizens Advice Bureau
• The Jersey Across Group
• 1st Dickleburgh Sea Scout Group, Norfolk
• Brightlingsea and West Mersea Community First Responder Groups
• Centre 33, Swydd Hertford
• Fusion, Swydd Bedford
• King's Lynn Samaritans
• Nicky’s Way at St Nicholas Hospice, Suffolk
• The Harpenden Trust, Swydd Hertford
• Learn English At Home (LEAH), Surrey
• DAGE (Deptford Action Group for Elderly), Llundain
• Volunteer Supported Education, Middlesex
• Redbridge Youth Offending Team Referral Order Panel Members, Essex
• Child Death Helpline, Llundain
• JUMP 2K, Llundain
• Inside Outside, Llundain
• Barrow Dad's Group, Cumbria
• Whitemoss Club for Young People, Manceinion
• Beacon Counselling, Swydd Gaer
• St Luke's (Cheshire) Hospice
• Aughton Ormskirk University of 3rd Age, Swydd Gaerhirfryn
• Callon Kid's Community Club, Swydd Gaerhirfryn
• Facing Life and Pain (F.L.A.P.), Glannau Mersi
• The Bridgend Centre, Swydd Gaer
• Mourne Mountain Rescue Team, County Down
• Crossfire Trust, County Armagh
• Cruse Bereavement Care in Northern Ireland, County Antrim
• Aberdeen Arts Centre Volunteers
• Greenock ABC, Inverclyde
• Tayside Special Olympics, Angus
• Ardgowan Hospice Volunteers, Inverclyde
• West Alness Residents Association, Swydd Ross
• Springburn Alive and Kicking Project, Swydd Lanark
• Castlemilk Timebank, Swydd Lanark
• Berwickshire Wheels Community Transport
• The Riverside Centre, Ynys Wyth
• Springboard Project, Gorllewin Sussex
• Post Pals, Surrey
• Crossover-Breakout, Dwyrain Sussex
• Battle Area Community Transport, Dwyrain Sussex
• The Salvation Army Haven Community Project, Hampshire
• Base 33, Swydd Rydychen
• Castle Hill Group, Dwyrain Sussex
• Just Around the Corner, Berkshire
• The Independent Advice Centre, Swydd Rydychen
• National Talking Newspapers and Magazines, Dwyrain Sussex
• St Sidwell's Community Café, Dyfnaint
• Bude Surf Life Saving Club, Cernyw
• Dream-A-Way, Dyfnaint
• Island Response, Ynysoedd Scilly
• Nanstallon United Youth Football Club, Cernyw
• Crewkerne Aqua Centre Volunteers, Gwlad yr Haf
• Freewheelers Emergency Voluntary Service, Bryste
• EcoDysgu – EcoLearn, Pen-y-Bont
• Bravehearts Dinas Abertawe
• The Woodlands Field Group, Torfaen
• Rhyl South West Central Residents Association, Sir Ddinbych
• Birmingham St Mary's Hospice Volunteers
• Wenlock Olympian Society, Swydd Amwythig
• Listen and Care, Swydd Amwythig
• The Wolverhampton Coronary Aftercare Support Group (WCASG)
• Biddulph in Bloom, Swydd Stafford
• The Lyneal Trust, Swydd Amwythig
• Hemsworth and District Community Initiatives Ltd, Gorllewin Swydd Efrog
• Home-Start Leeds
• Hull Churches Home from Hospital Service
• Pennine Magpie, Gorllewin Swydd Efrog
• Greystones Community Action Group, De Swydd Efrog