Proses Enwebu

16. Sut mae grwpiau’n llwyddo i gael eu hystyried?
Rhaid i grwpiau gael eu henwebu, er enghraifft gan y rhai sy’n cael budd o’u nhw, aelodau o’r cyhoedd, cynrychiolwyr cyrff cyhoeddus, neu grwpiau gwirfoddol eraill. Wrth enwebu grŵp, rhaid i enwebydd ddarparu geirda a datganiadau gan ddau ‘gefnogwr’.

17. Pam na chaiff grwpiau eu henwebu eu hunain?
Oherwydd ein bod ni am glywed gan bobl sy’n gallu adrodd yn annibynnol ar effaith grŵp ar y gymuned. Beth bynnag, mae’n amheus gennym ni a fyddai llawer o grwpiau yn teimlo’n gyfforddus i roi eu henwau’n ymlaen.

18. Pwy all weithredu fel enwebydd?
Unrhyw un nad yw’n gysylltiedig â rhedeg grŵp, neu’n bartner neu’n berthynas i unrhyw un sy’n ei redeg, neu rywun nad yw’n wirfoddolwr.

19. Pwy all weithredu fel cefnogwr?
Mae angen dau gefnogwr. Rhaid iddynt beidio â bod yn gysylltiedig â rhedeg y grŵp, neu fod yn berthynas i unrhyw un sy’n ei redeg. Gall gwirfoddolwr gyda’r grŵp, neu rywun sy’n elwa ar ei wasanaethau, fod yn gefnogwr, ond, os felly, rhaid i’r cefnogwr arall fod yn gwbl annibynnol ar y grŵp.

20. Sut mae gwneud enwebiad?

Rhaid cyflwyno pob enwebiad trwy’r post: Gwobr y Frenhines ar gyfer Gwasanaeth Gwirfoddol, d/o Consolidated, 22 Endell Street, Llundain WC2H 9AD. Gallwch gael y ffurflen drwy:

• Ei lawrlwytho o’r safle hon
  - Nomination Form in PDF
  - Nomination guidance in PDF
  - Promotional leaflet in PDF
• Anfon neges e-bost at queensaward@consol.co.uk
• Ffonio 020 7781 2397

21. A allaf i gyflwyno fy enwebiad ‘ar-lein’?
Na ellwch, oherwydd bod yn rhaid i’r ffurflen gael ei llofnodi gan yr enwebydd a’r cefnogwyr yn bersonol.

22. Beth os oes angen cymorth arnaf i gwblhau’r ffurflen?

Dim problem! Ffoniwch swyddfa Gwobr y Frenhines ar gyfer Gwasanaeth Gwirfoddol ar 020 7781 2397 a byddwn yn barod i’ch helpu.

23. Pryd mae’r dyddiad cau ar gyfer enwebiadau?

Nid oes dyddiad cau ar gyfer derbyn ffurflenni enwebiadau ond byddwn yn ystyried eich grwp am Wobr yn ystod y flwyddyn yn dilyn yr enwebiad.